Ledri Vula ka folur për raportin e shumëpërfolur mes ish-partneres së tij, Sara Hoxha dhe Erik Fullanit.
I ftuar në podcast-in “Inspire”, nga Alketa Vejsiu, ai theksoi se nuk e shqetësojnë të tilla aludime, madje shtoi se Sara duket shumë e lumtur me Erikun.
Vula shtoi se dëshiron që ajo të jetë e lumtur, kjo për shkak të mirëqënies së vajzës së tyre, Poem Blu.
“Sara më duket shumë e lumtur me atë djalin. Për mua është e rëndësishme që Sara të jetë e lumtur. Nëse ajo është e lumtur, edhe vajza jonë është e lumtur. Për mua vajza është më e rëndësishmja,” tha reperi.
Së fundmi, Sara Hoxha është vënë në qendër të vëmendjes për shkak të dyshimeve se ka nisur një marrëdhënie të re romantike. Ndonëse Ledri u duk se i konfirmoi të tilla dyshime, vetë Sara nuk ka reaguar ende.
Nga ana tjetër, ai theksoi se shkak i ndarjes mes tyre u bë distanca.
“Puna e Sarës ishte në Tiranë, ndërsa unë isha mes Kosovës dhe diasporës. Kjo distancë e bëri ndarjen më të lehtë, sepse raportet u ftohën natyrshëm,” u shpreh ai.
