Komandanti i stacionit policor në Lipjan, Argjent Gashi, ka dhënë dorëheqje morale dhe ka kërkuar të lirohet nga pozita që mban, njoftojnë burime të Tevë1 brenda Policisë së Kosovës. Dorëheqja vjen pas ngjarjes tragjike ku 27-vjeçari Agon Zejnullahu ndërroi jetë në rrethana të dyshimta gjatë ndërhyrjes së policisë.
Sipas burimeve, vendimi zyrtar për lirimin e Gashit pritet të merret nesër, ndërsa në vend të tij do të emërohet kapiteni Brahim Shatrolli, i cili aktualisht është komandant i Njësisë së Trafikut në Ferizaj.
