Ministria e Arsimit, Shkencës, Teknologjisë dhe Inovacionit (MAShTI) ka njoftuar se janë publikuar rezultatet e Testit të Arritshmërisë për nxënësit e klasës së nëntë, i cili u mbajt më 27 qershor 2025.
Sipas të dhënave të përpunuara nga MASHTI, arritshmëria sipas lëndëve është si më poshtë:
Gjuhë shqipe: 59.8%
Gjuhë angleze: 39.3%
Histori: 61.1%
Gjeografi: 52.9%
Matematikë: 38.9%
Informatikë: 54.7%
Fizikë: 40.6%
Kimi: 37.4%
Biologji: 42.6%
Ndërsa arritshmëria e përgjithshme në këtë test rezulton të jetë 48.8%.
MASHTI gjithashtu ka bërë të ditur se afati për paraqitjen e ankesave është i hapur për tri ditë, nga data 8 deri më 10 korrik 2025.
Nxënësit dhe prindërit e tyre kanë të drejtë të paraqesin ankesë në shkollat përkatëse gjatë këtij afati në rast të pakënaqësisë me rezultatin.
