Brad Pitt po përpiqet të vazhdojë normalisht jetën e tij pas përfundimit të procesit të gjatë të divorcit nga Angelina Jolie.
Megjithatë, sipas një burimi anonim për US Weekly, aktori 61-vjeçar është ende i rënduar emocionalisht nga gabimet e së kaluarës dhe pasojat që ato kanë lënë në jetën e tij personale.
“Ai e donte Angelina-n dhe e di që bëri gabime,” thotë burimi.
Gabimi që ai vuan më shumë, sipas të njëjtit burim, është prishja e marrëdhënieve me gjashtë fëmijët e tij: Maddox, Pax, Zahara, Shiloh dhe binjakët Knox e Vivienne. Disa prej tyre kanë folur publikisht kundër tij, ndërsa të tjerë kanë vendosur të ndryshojnë mbiemrat, duke shkëputur çdo lidhje me të.
Ky është pengu më i madh i Brad Pitt pas divorcit me Angelina
Ish-çifti nisën historinë e tyrë të dashurisë gjatë xhirimeve të filmit Mr. & Mrs. Smith në vitin 2005 dhe u martuan në vitin 2014.
Por vetëm dy vite më vonë, Jolie kërkoi divorcin pas një incidenti të tensionuar në një avion privat, ku ajo e akuzoi Pitt për sjellje të dhunshme dhe të papërmbajtur ndaj saj dhe fëmijëve, teksa ishte i dehur.
Ky incident, së bashku me betejat e mëvonshme ligjore, ndikuan thellë në marrëdhënien e aktorit me fëmijët e tij. Sipas burimit, ai ndjen se lidhja me ta “nuk mund të rregullohet më”, dhe kjo është pendesa më e madhe e jetës së tij.
“Gjyqi ka mbaruar, por pa fitues.”
Ky është pengu më i madh i Brad Pitt pas divorcit me Angelina
Edhe pse është shprehur i lehtësuar që procedurat ligjore më në fund përfunduan, Pitt e di se do t’i duhet të jetojë me pasojat e atyre viteve për pjesën tjetër të jetës. Megjithatë, ka bërë hapa të rëndësishëm drejt përmirësimit personal.
Aktori është tani ka hequr dorë nga alkooli dhe ka folur hapur për përvojën e tij në një podcast me Dax Shepard, ku tha se kishte kaluar një periudhë shumë të errët, por transformuese në jetën e tij.
Ky është pengu më i madh i Brad Pitt pas divorcit me Angelina
Brad Pitt, një nga aktorët më të njohur dhe të dashur, është përballur prej vitesh me sfida të mëdha në jetën personale.
Lidhja dhe ndarja e tij nga Angelina Jolie u kthye në një nga ndarjet më të komentuara në media, jo vetëm për famën e çiftit, por edhe për çështjet serioze ligjore dhe familjare që e shoqëruan. Për shumë vite, ai u portretizua si përgjegjësi kryesor i prishjes së familjes së tyre.
