Vazhdimi i seancës konstituive do të mbahet sonte nga ora 20:00, ka bërë të ditur sekretari i Kuvendit të Kosovës, Arben Loshi.
Seanca e paraparw për në ora 11:00 është anuluar për shkak të një mesazhi kërcënues për bombë.
Aktualisht numër i madh i njësive të Policisë janë në hapësirat e Kuvendit ku janë duke kontrolluar objektin dhe hapësirat për rreth.
Policia ka bërë të ditur se ka pranur një sms për një kërcënim me bobmë në Kuvend.
“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet. Policia e Kosovës ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt”, thuhet në njoftimin e Policisë.
