Irani nuk do të hakmerret më tej për sulmet ndëshkuese të Shteteve të Bashkuara ndaj programit të tij bërthamor, i ka thënë një zyrtar i lartë qeveritar agjencisë NBC News të enjten.
Ai tha poashtu se vendi i tij është i hapur për negociata me Uashingtonin.
Por, sa i përket programit bërthamor, Irani nuk ka plane për të ndaluar pasurimin e uraniumit , ka thënë në një intervistë zëvendësministri i Jashtëm Majid Takht-Ravanchi, duke përsëritur qëndrimin e kahershëm të Teheranit.
“Për sa kohë që nuk ka asnjë akt agresioni të kryer nga Shtetet e Bashkuara kundër nesh, ne nuk do të kundërpërgjigjemi përsëri”, tha Takht-Ravanchi kur u pyet nëse do të kishte kundërpërgjigjje të tjera.
