Futbollistët e Al Hilalit kishin arsye për t’u gëzuar dyfish pasi shkuan në çerekfinale të Botërorit të Klubeve.
Ata në fakt e eliminuan në të tetën e finales Manchester Cityn, të cilin e mposhtën pas vazhdimeve me rezultat 4:3.
Por, një tjetër befasi e mrekullueshme për ekipin e Simone Inzaghit ishte kur pronari i klubit i shpërbleu ata.
Në fakt, sipas Ahmad Al-Qarni, gazetar nga Arabia Saudite, secili lojtar u shpërblye me nga 533 mijë euro nga pronarët sheikë arabë, premtim ky që erdhi nga njëri prej drejtuesve të klubit, i cili përfundoi në dhomën e zhveshjes ku po zhvillohej festa pas fitores së madhe.
Në çerekfinale të Botërorit të Klubeve, Al Hilal do të përballet me Fluminensen braziliane.
