Sulmuesi Jonathan David, mund të konsiderohet futbollisti më i ri i skuadrës së Juventusit.
Bëhet e ditur se ekipi italian e ka mbyllur me sukses marrëveshjen me kanadezin, i cili do të transferohet tek Juventusi si futbollist i lirë.
David pritet që gjatë kësaj jave ti nënshtrohet kontrollimeve mjekësore, përpara se ta firmos kontratën dhe të prezantohet me fanellën bardhezi.
25-vjeçari do të ketë pagë vjetore prej 6 milionë eurosh dhe me Juventusin do të firmos kontratë katërvjeçare me opsionin e vazhdimit edhe për vitin e pestë.
David prej vitit 2020 ka qenë pjesë e skuadrës nga Franca, Lille kurse sezonin e fundit ka shënuar 25 gola dhe ka bërë 12 asistime në 49 paraqitje në të gjitha garat.
