Pas përfundimit të fazës së 1/8-ës së finales, Kupa e Botës për Klube 2025 ka hyrë në fazën më të nxehtë, teksa janë përcaktuar tashmë të gjitha çiftet çerekfinaliste.
E çifte çerekfinaliste janë këto: Real Madrid – Borussia Dortmund, Fluminense – Al-Hilal, Bayern Munich – Paris Saint-Germain dhe Chelsea – Palmeiras.
Real Madrid siguroi një vend mes tetë më të mirave pas një fitore të ngushtë 1-0 ndaj Juventusit, falë një goli të vetëm të shënuar nga Gonzalo Garcia në minutën e 54-të.
Skuadra spanjolle tregoi përvojë dhe qetësi, duke menaxhuar mirë epërsinë përballë një rivali të fortë si “Zonja e Vjetër”.
Në një tjetër ndeshje emocionuese, Borussia Dortmund mposhti skuadrën meksikane Monterrey me rezultatin 2-1. Heroi i gjermanëve ishte sulmuesi Guirassy, i cili realizoi të dy golat që i dhanë verdhezinjve biletën për në çerekfinale.
Përballja më e bujshme e kësaj faze ishte eliminimi i Manchester Cityt, një nga favoritët për trofeun.
Skuadra e Pep Guardiolës u trondit nga Al-Hilal, që realizoi një fitore surprizë dhe historike, duke kaluar për herë të parë në çerekfinale.
Në këtë fazë, sauditët do të përballen me Fluminense, e cila siguroi kualifikimin pas një performance solide.
Ndërkohë, dy përballje të tjera janë caktuar mes gjigantëve të futbollit evropian: Bayern Munich do të përballet me Paris Saint-Germain, në një “finale të parakohshme”, ndërsa Chelsea do të ketë punë me kampionët e Amerikës së Jugut, Palmeiras.
