Një rast i rëndë i abuzimit seksual me të mitur ka ndodhur në Sheqishtë të Patosit.
Një 12-vjeçare është abuzuar seksualisht nga babai i saj i cili tashmë është arrestuar nga policia e Shqipërisë.
Në një prononcim për mediat nëna e vajzës rrëfen se si vajza ishte larguar nga banesa në orën 4 të mëngjesit dhe kishte shkuar te fqinji pasi ishte përdhunuar nga babai, raporton EuronewsAlbania.
Ajo pohon gjithashtu se vajza është abuzuar sistematikisht që në moshën 5-vjeçare, por nuk ishte në dijeni.
30-vjeçarja është nënë e 7 fëmijëve dhe nuk ka asnjë të ardhur financiare, pasi bashkëshorti ishte personi i vetëm që punonte në familje.
Ajo apeloi për dënim të ashpër për bashkëshortin dhe për ndihmë nga institucionet.
12-vjeçarja në prani të psikologes ka pohuar se është përdhunuar nga babai i saj dhe ka qenë abuzim sistematik që në moshën 5-vjeçare.
Babai i të miturës ka pranuar se ka abuzuar seksualisht me vajzën, por sipas tij, ka ndodhur vetëm një herë.
