Familjarët e të ndjerës Zana Gjevukaj, erdhën të parët në gjykatë. Pas tyre, mbërriti edhe prokurorja e rastit.
Edhe siguria në Gjykatën Themelore në Pejë, u rrit të martën.
Këtu u shpall aktgjykimi për aksidentin me fatalitet, të cilin e shkaktoi zyrtari policor, Argjend Kastrati, më 1 prill të këtij viti.
Në magjistralen Prishtinë – Pejë, saktësisht në fshatin Qyshk, Kastrati po lëvizte me veturën e tij 90 kiliometra në orë.
Shpejtësia e lejuar në këtë aks rrugor është 60 kilometra në orë.
Të pakënaqur me këtë vendim të gjykatës, janë familja e viktimës 26 vjeçare.
Avokati Milot Neziraj thotë se në bashkëpunim me familjen do të vendosin nëse do të parashtrojnë ankesë ndaj këtij vendimi.
E zëvendësprokurorja e Prokurorisë Themelore të Pejës, Arlinda Nallbani Gacaferi, thotë se në këtë rast u morrën parasysh disa rrethana lehtësuese.
Të pandehurit Kastrati, i është shqiptuar edhe një dënim plotësues i marrjes së lejes së vozitjes dhe ndalim i marrjes së lejes së re në kohëzgjatje prej katër vitesh.
Ky dënim do të ekzekutohet pasi aktgjykimi të marrë formën e prerë.
