Kryetari i Partisë Demokratike të Kosovës, Memli Krasniqi ka konfirmuar se ka pranuar ftesë nga presidentja e Kosovës, Vjosa Osmani.
Takimi i PDK-së me Osmanin pritet të mbahet të mërkurën në ora 13:30.
Kështu ka bërë të ditur Krasniqi pas dështimit të 40-të të seancës për konstituimin e Kuvendit.
Ndryshe, për herë të 40-të, sot deputetët e legjislaturës së nëntë kanë dështuar sërish të konstituojnë Kuvendin e Kosovës.
Vazhdimi i kësaj senace erdhi pas takimit të së shtunës të liderëve të partive të përfaqësuara në Kuvend, i cili takim nuk prodhoi asgjë konkrete sa i përket arritjes së një marrëveshje të mundshme për daljen e vendit nga ngërçi i krijuar politik për shkak se Lëvizja Vetëvendosje, Guxo e Alternativa nuk i kanë votat për Albulena Haxhiun kryetare e Kuvendit./teve1.info/
