Bunjaku ka pyetur ministrin Murati se si do të iu kthehen parat qytetarëve dhe a do të shkarkojnë bordin e ZRRE-së.
Sipas saj, ZRRE-ja nuk po reagon për pezullimin e vendimit të Gjykatës për kthim në tarifa të vjetra.
“Si të rimbursohen qytetarët për 3 muaj që iu ka bërë dëm dhe kanë paguar fatura me rritje, ndërsa bordi i ZRRE-së është deklaruar që pezullimi kupton që me pezullu. Kur thuhet me pezullu d.m.th që duhet me u kthy në tarifat e vjetra, ndërsa bordi i ZRRE-së nuk po reagon. Kjo shkon në dëm të qytetarët. Dje kanë ardhur faturat me rritje. Pyetja ime konkrete si do të iu kthehen parat qytetarëve dhe a do ta shkarkoni bordin, këtë përgjigje po e kërkojmë”, ka thënë ajo
Ndërsa, Murati i është përgjigjur duke i thënë se për dallim nga opozita, Qeveria nuk përzihet në punën e ZRRE-së, e as të Gjykatës.
Ai thotë se presin që të gjitha palët të marrin vendime meritore dhe të bazuara në fakte.
“Për dallim nga ju ne nuk përzihemi në punë të rregullatorit. Normalisht edhe as në punët e Gjykatës, ne presim që të gjitha palët të marrin vendime meritore dhe të bazuara në fakte dhe argumente. Mirëpo ne nuk përzihemi në punët e rregullatorit”, tha Murati. /teve1.info/
