Policia e Rajonit të Prishtinës, përkatësisht njësiti rajonal i trafikut rrugor me motoçikleta, ka nisur patrullimet me qëllim të zbulimit të kundërvajtjeve dhe parandalimit të aksidenteve në zonat me rrezikshmëri të lartë.
Gjatë tri ditëve të para të operimit, Policia ka shqiptuar mbi 45 fletëparaqitje për kundërvajtje në komunikacion, ka konfiskuar 13 skuterë të paregjistruar dhe ka dhënë tiketa për shkelje të tjera si përdorimi i telefonit gjatë ngasjes dhe mosrespektimi i dritës së kuqe.
Njoftimi:
Policia e Rajonit të Prishtinës respektivisht, njësiti rajonal i trafikut rrugor me motoçikleta, kanë filluar të operojnë në rrugët nacionale dhe rajonale të këtij rajoni.
Qëllimi i këtij angazhimi është zbulimi i kundërvajtjeve në komunikacion dhe parandalimi i aksidenteve, sidomos në zonat e identifikuara më herët si me rrezikshmëri të shtuar.
Vetëm gjatë tri ditëve të para të operimit, nga ky njësit janë shqiptuar mbi 45 fletëparaqitje për kundërvajtje, janë konfiskuar 13 skuterë të paregjistruar, si dhe janë shqiptuar tiketa për shkelje të tjera si përdorimi i telefonit gjatë ngasjes, mosrespektimi i dritës së kuqe etj.
Policia e Kosovës mbetet e përkushtuar në rritjen e sigurisë rrugore dhe në forcimin e prezencës në terren, veçanërisht gjatë sezonit veror kur intensiteti i qarkullimit është më i lartë./teve1.info/
