IHMK: Mos jini në kontakt direkt me rrezet e diellit nga ora 10 deri në 17

Sipas IHMK-së, do të mbajë mot i ndryshueshëm, me diell e vranësira vende – vende, të cilat mund edhe të sjellin reshje shiu.

IHMK-ja ka këshilluar qytetarët që nga ora 10-17 të mos jenë në kontakt direkt me rrezet e diellit.

“Temperaturat minimale do të lëvizin ndërmjet 12-15 gradë Celsius, ndërsa maksimalet e ditës parashihen të lëvizin ndërmjet 26-31 gradë Celsius. Do të fryjë erë nga drejtimi i verilindjes dhe jugperëndimit me shpejtësi 1-7 m/s. Indeksi UV do të jetë në vlerat e larta prandaj këshillohet që nga ora 10-17 të mos jemi në kontakt direkt me rrezet e diellit”, thuhet në njoftim.

Në njoftim theksohet se reshje më të theksuara priten kah fundi i javës dhe fillimi i saj. /Teve1.info/