Një 65-vjeçar ka vdekur në një aksident trafiku në fshatin Mirosalë të Ferizajt.
Lajmi është konfirmuar nga Policia e Kosovës.
Zëdhënësi rajonal, Kanun Veseli ka thënë se vetura e tipit Golf është përplasur me një shtyllë elektrike ku si pasojë ka vdekur S.B.
“Sot, më 22.06.2025, rreth orës 12:15, kemi pranuar informatën për një aksident trafiku në lagjen “Cakaj” të fshatit Mirosalë të Ferizajt, ku një veturë e tipit Golf me targa vendore ka goditur një shtyllë elektrike. Në vendin e ngjarjes është gjetur një person brenda veturës, për të cilin fillimisht nuk dihej nëse kishte shenja jete. Rreth orës 12:37, mjeku kujdestar nga emergjenca e Ferizajt ka konstatuar vdekjen e viktimës. Viktima është S. B, rreth 65 vjeç”, ka thënë Veseli.
Ai ka thënë se të gjitha veprimet policore është njoftuar prokurori i shtetit dhe poashtu edhe KEDS pas raportimeve për dëmtimin e shtyllës dhe rrëzimin e telave në tokë.
