Ambasadori i Iranit në Kombet e Bashkuara ka kërkuar një takim urgjent të Këshillit të Sigurimit për atë që ai e përshkroi si “sulme të urryera dhe përdorim të paligjshëm të forcës” të SHBA-së kundër Iranit.
Në një letër, të siguruar nga AP, ambasadori, Amir Saeid Iravani tha se organi më i fuqishëm i OKB-së duhet të “marrë të gjitha masat e nevojshme” për t’i mbajtur SHBA-të përgjegjëse.
“Republika Islamike e Iranit dënon dhe denoncon në termat më të ashpra të mundshme këto akte agresioni të paprovokuara dhe të paramenduara, të cilat kanë pasuar sulmin ushtarak në shkallë të gjerë të kryer nga regjimi izraelit më 13 qershor kundër centraleve dhe impianteve bërthamore paqësore të Iranit”, vazhdon letra.
