Në oborrin e shkollës “Emin Duraku” në Prishtinë, erdhën para kohe.
150 maturantë do t’i nënshtrohen Testit të Maturës në këtë objekt shkollor, e për çka tashmë i kanë bërë të gjitha përgatitjet.
Një nga ta thotë se nuk presin që të kenë ndonjë telash në kryerjen e këtij obligimi shkollor.
“Jena përgatitë mjaftueshëm besoj… Besoj që po ka me qenë i vështirë sepse është një test vendimtar për vazhdimin e rrugëtimit tonë… Jo probleme s’kemi pasë dhe besoj se koha ka qenë e mjaftueshme për mu ka qenë em jaftueshme dhe besoj për tjerë… Po jam përgatitë mjaftueshëm për shkak se edhe suksesin e kam pasë të mirë… Besoj që pikë në test ka me pasë mjaftueshëm për me u regjistru në fakultetin që unë e du”, tha maturantja Artila Hyseni.
Edhe drejtori i kësaj shkolle, Visar Osmani shprehet i bindur se nuk do të ketë ndonjë parregullsi që mund të paraqitet në këtë proces.
“Çdo gjë është gati administruesit kanë ardhë me kohë, nxënësit me kohë, tash sapo flasim veçse ka filluar sistemimi i nxënësve nëpër klasë dhe besoj që çdo gjë ka me shku sipas planifikimeve… Unë i njoftova me kohë 45 minuta para kohe se në bazë të udhëzimeve dhe rekomandimeve që kemi marrë dhe praktikave të mëhershme telefoni është rreptësisht i ndaluar qoftë prej nxënësve qoftë prej administruesve, momentin që takohet dikush me telefon brenda objektit detyrohemi me qitë jashtë”, tregoi Osmani.
Testimi, i cili filloi nga ora 10:00, iu nënshtruan edhe disa maturantë në objektin e Gjimnazit “Sami Frashëri” në kryeqytet.
Edhe këtu, drejtori i kësaj qendre testimi u shpreh se nuk kanë hasur në ndonjë parregullsi.
“Po si çdo vit tashmë është e ditur që edhe në shkollën tonë mbahet Testi i Maturës për 142 mturantë të cilit do ti nënshtorhen testi dhe të gjitha përfatitjet janë bërëme kohë… Testi zgjatë 2 orë e 30 minuta, fillon në orën 10:00 nuk ka pasur ndonjë vështirësi për përgatitje tashmë veç presim nxënësit me ardhë në ora 10:00 veç fillon testi”, tha drejtori i Gjimnazit “Sami Frashëri”, Betim Sylejmani.
Sipas Ministrisë së Arsimit, këtij provimi iu nënshtruan 18.800 maturantë, kurse rezultatet do të bëhen publike më 30 qershor.
