Kryeministri në detyrë, Albin Kurti së bashku me ministren e Ekonomisë, Artane Rizvanolli kanë marrë pjesë në inaugurimin e projektit për ndërtimin e fundërruesit për sistemin e filtrimit të ujit të pijes në Klinë.
Nga ky projekt bëhet e ditur se 10 mijë banorë të Klinës do të furnizohen me ujë nga ky sistem.
Kurti për tëvë1 ka folur për moskonsituimin e Kuvendit, duke thënë se obligimin e tyre kushtetues e kanë kryer duke propozuar emrin për kryetare të Kuvendit, që sipas tij Haxhiu është deputetja më e votuar në legjislaturën e nëntë.
Madje, ai ka shtuar se ngërçi nuk është lidhur me emrin e propozimit të tyre, por është lidhur me kuorumin për komision që organizon votimin e fshehtë.
“Në fillim të muajit maj, nuk arritëm që të kem marrëveshje procedurale si ta konstituojmë Kuvendin duke e zgjedhur kryesinë e Kuvendit, meqë konstituim të Kuvendit nuk konsiderohet vetëm zgjedhja e kryetarit të Kuvendit, por edhe 15 kryetarëve, gjithashtu nuk patëm as marrëveshje politike siç propozuan edhe disa që të merremi vesh edhe për Qeverinë, tash u bënë 26 herë që një komision që do ta organizonte votimin e fshehtë nuk po kalonte në mungesë të kuorumit. Paraprakisht propozimi ynë nuk kaloj, ndonëse ne e kryem obligimin tonë kushtetues duke propozuar për emër Albulena Haxhiun e cila është deputetja më e votuar grua në këtë legjislaturën e nëntë. Ne e kryem obligimin tonë provuam votimin e hapur, mandej provuam edhe votimin e fshehtë por nuk ka kuorum për këtë komision. Ngërçi nuk është pra më lidhur me emrin e propozimit tonë, është lidhur me kuorumin për komisionin që organizon votimin e fshehtë. Më vjen keq që nuk kemi ende Kuvend, por Kosova ka Qeverinë në detyrë, komuna gjithandej dhe ne vazhdojmë punët tona”, ka deklaruar Kurti./teve1.info/
