Kryetari i Lidhjes Demokratike të Kosovës, Lumir Abdixhiku, përmes një konference për medie ka shpalosur planin 15-pikësh për “Qeverinë e Unitetit Kombëtar”.
Abdixhiku ka konsideruar se ky do ishte opsioni më i mirë për të dalë nga ngërçi politik deri sa të shkohet në zgjedhjet e reja.
E për këtë, kryetari i Vitisë, Sokol Haliti ka deklaruar se Qeveria e Unitetit do të merret seriozisht dhe për dhjetë muaj do t’i përgatitet vendit për zgjedhjet e reja.
Sipas Halitit, bllokimi i ngërçit është formuar me qëllim që dy parë zgjedhjet të mbahen me kohë.
“Përgjegjësinë e ka ai që vërtetë ka dalë i pari dhe i ka fituar zgjedhjet, ne nuk mund t’i akuzojmë të gjitha partitë politike për shkak mosmarrjes së përgjegjësisë për me i krijuar institucionet, megjithatë LDK ka formuar një agjendë për formimin e një qeverie të Unitetit Kombëtar të cilën e ka propozuar ku me 15 pika e ka procedua saktë se si mund të dilet nga ky ngërç. Mos konstituimi i Kuvendit dhe Qeverisë është vërtetë i papranueshëm, prandaj kjo krizë kushtetuese me zgjedhjen e kryetarit të Kuvendit në përputhje me parimet e funksionalitetit parlamentar duhet bërë patjetër. Qeveria e Unitetit do të merret seriozisht dhe për dhjetë muaj do t’i përgatitet vendin për zgjedhjet e reja dhe do ta nxjerrë krizën nga ky ngërç duke funksionalizuar zbatimet e ligjeve dhe formimin e institucioneve. Bllokimi i ngërçit është formuar me qëllim që dy parë zgjedhje të mbahen me kohë”, ka deklaruar ai në emisionin “Ditari” në tëvë1./teve1.info/
