Kasumi-Berisha thotë se qentë endacakë nuk i ka sjellë LDK-ja gjatë qeverisjes së saj tani, por kjo është si rezultat i një anashkalimi më të hershëm.
“Qentë endacakë janë tema kryesore e cila duhet rregulluar njëherë e mirë. Ne e dimë se qentë nuk i ka sjellë LDK-ja në qeverisjen e vet, e dimë se ai është rezultat i një anashkalimi tepër të gjatë. Por tash jemi në një momentum shumë kritik. Ne kemi shumë fakte që qentë kanë filluar me dëmtu edhe vetura. Kjo i bjen që ne kemi një nivel të agresionit të qenve krejt tjetër prej çka kemi parë deri tash”, tha ajo.
Asamblistja e LVV-së në kryeqytet theksoi se pikat ushqyese të vendosura në disa pjesë të qytetit janë gabim.
Tutje, ajo potencoi disa nga hapat që janë dashur të ndërmirren lidhur me këtë rast.
“Pikat ushqyese shumë mirë që janë bërë. Por pikat ushqyese kanë rezultuar gabim, sepse qentë kanë krijuar territor. Për shembull te biblioteka, te kampusi universitar është e pamundur me kalu në kohë të tillë ose në mbrëmje, sepse ki fluks tepër të madh të qenve. E kjo ka rezultuar me një rrezikshmëri të nivelit krejt tjetër. Ish dashtë me u marr parametrat tjerë dhe me shiku nëse kjo ka rezoltuar keq, okej po bëjmë një hap tjetër emergjent, po i vendosim edhe 100 pika tjera te shohim qysh po rezulton. E jo e kemi bërë njëherë, ne e kemi bërë tonën edhe qikaq”, shtoi ajo. /Teve1.info/
