Kendall Jenner dhe basketbollisti Devin Booker i kanë dhënë fund lidhjes së tyre, për herë të disatë.
Sipas një burimi për revistën “Us Weekly”, çifti është ndarë më shumë se një muaj më parë, duke mbyllur një kapitull të gjatë mes rikthimesh dhe ndarjesh.
“Ata kanë pasur ndërprerje për vite me radhë dhe i kanë dhënë fund kohët e fundit”, tha burimi, duke shtuar se ndarja është ndikuar nga oraret e ngjeshura dhe mungesa e komunikimit mes tyre.
Jenner dhe Booker nisën romancën pesë vite më parë, por lidhja u bë zyrtare në rrjetet sociale në vitin 2021.
Çifti pati ndarjen e parë në verën e 2022, duke theksuar në atë kohë nevojën për t’u përqendruar te vetja.
Pavarësisht përpjekjeve për ta rikthyer lidhjen, duket se këtë herë ndarja është përfundimtare.
