Policia e Kosovës ka njoftuar se dy persona janë gjetur të vdekur gjatë 24-orëve të fundit në Kosovë.
Njëri rast ka ndodhur në Fushë-Kosovë, ku është raportuar se një person është gjetur pa shenja jete në banesën e tij.
Vdekjen e viktimës e ka konstatuar ekipi mjekësor, kurse në konsultim me prokurorin trupi i pajetë është dërguar në Institutin e Mjekësisë Ligjore për obduksion.
“Një mashkull kosovar është gjetur në banesën e tij nga familjarët pa shenja jete. Vdekjen e viktimës e ka konstatuar ekipi mjekësor. Në konsultim me prokurorin trupi i pajetë është dërguar në IML për obduksion”, thuhet në raportin 24-orësh të Policisë.
Ndërkaq, rasti i dytë ka ndodhur në Prishtinë, ku po ashtu është raportuar për një person të gjetur pa shenja jete, vdekja e të cilit është konstatuar nga ekipi mjekësor në vendin e ngjarjes.
“Raportohet se është gjetur pa shenja jete viktima mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion”, thuhet në raportin e PK-së./teve1.info/
