Eda Ramadani, Amra Zeqiri dhe Anila Mavriqi, tre flautiste të reja nga Kosova së fundmi kanë qenë pjesë e një kompeticioni garues në Itali.
Vajzat garuan nën udhëheqjen artistike të flautistes Arife Kastrati Ymeri. Treshja nga Kosova arritën që të merrnin vendin e tretë në tri kategori që për qëllim kishin promovimin e kultures shqiptare në Festivalin Arsnova, në Trieste të Italisë.
Ramadani u pozicionua e treta në kategorinë A, Zeqiri e treta në kategorinë B, derisa vendin e tretë e mori edhe Mavriqi por në kategorinë C.
Ndonëse të reja në moshë, flautistet nga Gjilani thanë se do të përpiqen që pasionin e tyre për artin ta shpërndajnë ashtu siç dijnë së miri edhe përtej kufinjëve të Kosovës.
