Në Filipine, rastet e HIV-it po rriten në mënyrë alarmante, çka ka nxitur zyrtarët të kërkojnë shpalljen e një emergjence kombëtare të shëndetit publik për të luftuar përhapjen e kësaj sëmundjeje.
Sipas Agjencisë Shtetërore të Lajmeve të Filipineve, vendi regjistron rreth 57 raste të reja të HIV-it çdo ditë dhe ka parë një rritje prej 500% të infeksioneve midis të rinjve.
Sekretari i Shëndetësisë, Teodoro Herbosa, deklaroi se Filipinet aktualisht kanë numrin më të lartë të rasteve të reja të HIV-it në Rajonin e Paqësorit Perëndimor.
Të dhënat më të fundit tregojnë se që nga viti 1984 deri në mars të këtij viti janë regjistruar gjithsej 148,831 raste HIV në të gjithë vendin.
Vetëm gjatë tremujorit të parë të këtij viti janë raportuar 5,101 raste, një rritje krahasuar me 3,409 rastet e regjistruara në të njëjtën periudhë të vitit të kaluar, ka shkruar Anadoly.
Herbosa paralajmëroi se nëse kjo rritje nuk ndalet, numri i personave që jetojnë me HIV mund të kalojë 400,000.
Ai theksoi se shpallja e një emergjence kombëtare shëndetësore për HIV-in do të inkurajonte përfshirjen e të gjithë shoqërisë dhe qeverisë në përpjekjet për të ulur numrin e rasteve të reja, sipas raportimit të gazetës Phil Star.
