Ermir Lenjani në pritje të një aventure të re, pasi mbrojtësi shqiptar është larguar nga Grasshopperi.
Këtë shkëputje të kontratës e ka bërë të ditur vetë klubi zviceran, duke theksuar se nuk kanë arritur marrëveshje bashkëpunimi me futbollistin shqiptar.
“Në fund të sezonit, Grasshopper Club Zurich do t’u thotë lamtumirë 9 lojtarëve të ekipit të parë që nuk kanë rinovuar kontratën me klubin ose po kthehen në klubet e tyre pas huazimit
Mateo Matic është një nga pesë profesionistët që do të largohen nga klubi kur të skadojnë kontratat e tyre, së bashku me Ermir Lenjani, Nuno da Silva, André Santos dhe Brayan Riascos”, thuhet në njoftimin e tyre.
Lojtari 32-vjeçar do të jetë në kërkim të një aventurë të re, por që ende nuk dihet se ku do të vazhdojë karrierën e tij. /Tëvë1/
