Sot, më 1 qershor, në mbarë botën festohet Dita Ndërkombëtare e Fëmijëve.
Kjo festë u vendos në kujtim të Konferencës Botërore për Mirëqenien e Fëmijëve, mbajtur më 1 qershor 1925 në Gjenevë.
Në të njëjtën ditë, në San Francisko, konsulli i përgjithshëm i Kinës organizoi një festë për një grup fëmijësh jetimë në kuadër të Festivalit të “Anijes së Dragoit”.
Këto ngjarje simbolike shënuan fillesën e një feste që do të merrte përmasa globale.
Që nga viti 1927, kjo ditë filloi të festohej zyrtarisht në shumë vende të botës, për të vijuar deri më sot si një nga datat më të dashura për fëmijët dhe familjet.
Shumë vende të botës e kanë pranuar atë si festën ndërkombëtare të fëmijëve dhe realizojnë festime, të cilat kanë si qëllim të rrisin vëmendjen në drejtim të mirqenies së tyre.
Edhe në Kosovë dhe Shqipëri kjo ditë shënohet me aktivitete të ndryshme e të larmishme, ku në qendër të vëmendjes janë fëmijët.
