Në konferencën rajonale e cila po mbahet në Sarajevë me mbi 70 folës nga e gjithë bota, me temën “ Përgjegjësia politike dhe teknologjia për avancim të mediave”, u diskutua edhe për protestat në Serbi.
Jelena Vasic nga organizata jo qeveritare KRIK nga Beogradi, tha se protestat po vazhdojnë ende nga studentet por, sipas saj, presidenti i Serbisë, Aleksandër Vuçiq po vazhdon propagandën e tij në mediet të cilat i janë nënshtruar regjimit të Vuçiq.
“Protestat në Nish po vazhdojnë, e shohim se studentët dhe organizëtat jo qeveritare nuk do të tërhiqen nga këto protesta. Ajo çfarë e shohim së fundi nga presidenti Aleksandër Vuçiq është se; studentëve ju thotë fjalë të tjera duke i premtuar për kërkesat e tyre, pastaj i njëjti del në mediet të cilat i janë nënshtruar regjimit të Vuçiq, i cili i quan “kriminel” studentët dhe organizatat jo qeveritare, duke i akuzuar se janë duke e bërë qëllimshëm këtë protestë. Ne shohim afër “Bibliotekës persona me mjete të mprehta “thikë”, posedojnë shkopa bejsbolli, janë kërcënues ndaj studentëve dhe gjithë atyre që protestojnë” tha Vasic.
Përveç kësaj, u kritikua edhe mos veprimi i duhur nga ana e Bashkimit Evropian në përkrahjen e protestave në Beograd.
Nikola Burazer nga organizata “European Ëestern Balkans” tha ne fjalimin e tij se, tash e tri javë nuk ka asnjë reagim nga faktori ndërkombëtar, “të njëjtit po heshtin karshi gjendjes që është krijuar në Serbi”.
“Tash e tre javë e shohim një heshtje totale nga Bashkimi Evropian, nuk shohim vizita nga niveli i lartë i BE-së, ndoshta ka nga ana e disa politikanëve, por nuk mjaftojnë. Ajo çfarë duhet të ndodh është, BE të kërkon përgjegjësi nga ana e qeverisë për këtë situatë që është krijuar. Ajo çfarë është shqetësuese, propaganda e cila po përdorët karshi protestuesve. Jo vetëm nga mediet por edhe nga qeveria, dhe askush nuk merret me këtë”, tha Burazer.
Në këtë konferencë rajonale në Sarajevë, po merr pjesë edhe ekipi i gazetarëve nga Tëvë1.
