Policia e Kosovës ka njoftuar se të enjten në Mitrovicë të Veriut është gjetur një granatë dore.
Lajmin për tëvë1.info e ka konfirmuar zëvendësdrejtori i Policisë për rajonin e Mitrovicës së Veriut, Veton Elshani.
Sipas Elshanit, mjeti i dyshuar është gjetur nga një kompani e kontraktuar nga komuna për kryerjen e disa punimeve në rrugë.
Ai ka bërë të ditur se granata tashmë është larguar nga Njësitet e Specializuara Policore të cilat kanë dal në vendngjarje.
“Derisa kompania e kontraktuar nga Komuna ka qenë duke i zhvillu disa punime në rrugë, ka has në një mjet shpërthyes. Njësitet e Specializuara Policore kanë dal në vend ngjarje dhe e kanë largu mjetin shpërthyes që dyshohet të jetë Granatë e Dorës”, ka thënë Elshani.
