Kryetari i Odës Ekonomikë të Kosovës, Lulzim Rafuna i është bashkuar protestës së bizneseve, ku po kundërshtojnë vendim e ZRrE-së për liberalizimin e tregut të energjisë, vendim ky që hyn në fuqi pas tri ditësh.
“Është faza e tranzicionit, ku 60 ditë e ka për obligim KEK-u dhe KEDS-i prapë me çmim të tregut, dhe jo me çmim të rregulluar, tha ai para mediave.
Tutje poashtu ai tha se institucionet e tjera janë të gatshme të përgatisin tregun.
“Institucionet e vendit, ZRrE-ja, por edhe institucionet e tjera që janë kompetente të përgatisin tregun, kushtet për të dalë në tregun e lirë bizneset nuk i kanë përgatitur, mirëpo bizneset me dhunë po detyrohen të dalin në tregun e lirë. Bizneset tona do të pësojnë, për shkak se do të kenë një rritje energjie prej 220-270 për qind dhe do të ndodhë që të rritet produkti ynë kosovar, do të rritenshërbimet, vlerat, çmimi i tyre dhe do të tkurret prodhimi, do reduktohen vendet e punës. Në kërkesë e kemi që ta kemi një fazë të tranzicionit për me dalë në tregun e lirë”, tha Rafuna.
