Policia e Kosovës ka arrestuar 31-vjeçarin A.M, i cili ishte në kërkim në bazë të një urdhërese të lëshuar nga Gjykata Themelore në Ferizaj. Ai dyshohet për veprën penale “Vjedhje e rëndë në bashkëkryerje ”, për të cilën ishte dënuar me një vit burgim.
“Më datë 28 maj 2025, rreth orës 18:30, në fshatin Mollopolc të Shtimes, policia e rajonit të Ferizajt ka lokalizuar dhe arrestuar një person të kërkuar nga gjykata”, thuhet në njoftimin e Policisë së Kosovës.
Pas përfundimit të procedurave policore, ai është dërguar për vuajtjen e dënimit, njoftoi Policia e Kosovës.
