Izraeli po përgatitet të nisë një “fazë të intensifikuar” të Operacionit “Qerret e Gideonit” në Rripin e Gazës duke vendosur mijëra ushtarë shtesë, sipas autoritetit zyrtar të transmetimit KAN.
Raporti, duke cituar burime politike të paidentifikuara, tha se faza e re synon të pushtojë dhe të mbajë kontrollin e më shumë territorit në Gazën veriore dhe qendrore, paralelisht me zhvendosjen me forcë të një numri të madh palestinezësh drejt jugut.
“Qëllimi është të arrihen zona të reja brenda Gazës si pjesë e një manovre tokësore që mbështetet kryesisht në sulmet ajrore”, thanë burimet.
Përshkallëzimi vjen pas një sulmi të gjerë tokësor të nisur të dielën, duke shënjuar zbatimin operativ të “Qerrave të Gideonit”, i cili përfshin evakuimin e plotë të palestinezëve nga zonat e luftimit.
Ushtria izraelite aktualisht operon me pesë divizione në Gaza – Divizionet 98, 252, 143, 36 dhe 162 – së bashku me brigadat elitare Nahal dhe Golani.
Të hënën, kryeministri izraelit Benjamin Netanyahu tha se do të vazhdonte luftën në Gaza, duke pranuar në një video të postuar në Telegram se presioni i huaj e shtyu atë të lejonte ndihmën humanitare në enklavë./AA/
