Xhevdet Pozhari, konsulent politik, ka thënë se refuzimi i partive opozitare për ta votuar Albulena Haxhiun për kryeparlamentare, nuk ka të bëjë me atë si propozim.
Ai ka thënë se opozita problemin e vetëm e ka emrin e Albin Kurtit.
Haxhiu, nga PDK, LDK, AAK është cilësuar si figurë përçarëse, por sipas Pozharit këto nuk janë arsye.
“Nuk është problemi i Albulena Haxhiut. Problemi i vetëm është emri i Albin Kurtit. Opozita ka telashe vetëm më një emër, ai është Albin Kurti”, ka thënë Pozhari në emisionin “Këndi i Debatit” në Tëvë1.
Sipas tij , opozita është ajo që po bllokon dhe se LVV nuk mund të fajësohet për një gjë të tillë.
“Opozita erdhi me logjikë bllokuese nuk votoi as mandatet fillimisht. LVV ka propozuar emrin dhe ka votua nuk mundet me u quajt bllokuese. Këta duan Qeveri po ju pengon që në krye të jetë Albin Kurti. Momentin që e fton LDK-në në Qeverisje, nuk janë të gatshëm që të kenë një kryeministër si z.Kurti”, ka thënë ai.
