Ata sipas zëvendëskryeministrit të Kosovës, Besnik Bislimi e kanë bërë në takimin e fundit të mbajtur, duke e arsyetuar me zhvillimet pas zgjedhjeve presidenciale të mbajtura në Serbi.
Bislimi gjatë raportimit në Komisionin për Punë të Jashtme ka thënë se Kosova ka prezantuar disa opsione me standarde evropiane për këtë çështje, por që sipas tij, nuk ka pasur gatishmëri nga pala serbe.
“Për targat janë prezantuar disa opsione në përputhje me standardet evropiane. Pala kosovare ka zgjedh opsionin e vet, por ka munguar nga pala serbe. Ata i kanë kërkuar edhe gjashtë muaj shtesë, për shkak të zhvillimeve pas zgjedhjeve. Kërkesa për ne është joserioze dhe nuk kanë qenë të sinqertë”, ka thënë ai.
Bislimi ka shtuar se në takimin e fundit të mbajtur në Bruksel në nivel të kryenegociatorëve gjatë javës së dytë të muajit maj, është diskutuar edhe për çështjen e energjisë elektrike në veri të vendit.
“Kemi prezantuar udhërrëfyes që parasheh hapat që nga licencimi i Elektroseverit. Jemi në rrugë të mirë të kemi rezultate konkrete në mënyrë që veriu të futet brenda sistemit të Kosovës të faturimit, distribuimit”, ka thënë ai.
