Analisti, Xhavit Drenori ka deklaruar se për zhbllokimin e situatës në Kuvend janë subjektet politike që duhet të lëvizin nga pozicionet e tyre nëse kanë vullnetin të bëjnë krijimin e Kuvendit.
Drenori thotë se subjektet politike e kanë frikën që nëse Kurti nuk e formon Qeverinë, Kosova do të shkojë obligativisht brenda një kohe të shkurtër në zgjedhje të jashtëzakonshme.
Sipas tij, zgjedhjet e jashtëzakonshme nuk prodhojnë një rezultat të mirë për partitë e vogla.
Madje, ai thotë se opozita nuk e ka problemin tek Albulena Haxhiu, pasi që sipas tij ajo do të votohet për Kryetare të Kuvendit.
“Ne qytetarët e Republikës së Kosovës i kemi përjetuar këto vendimet e ngadalshme edhe kur ka qenë në pyetje realizimi i vizave për vendin tonë duke pasur parasysh që ishim një shtet që i kishim përmbushë të gjitha kriteret pasi kriteret edhe shtesë në krahasim me shtetet tjera dhe vendimet ishin gjithmonë të vonuara. Për zhbllokim të situatës janë krerët e subjekteve politike që duhet të lëvizin nga pozicionet e tyre nëse vetëm kanë vullnetin që pastaj të bëjnë krijimin e institucioneve së pari krijimin e Kuvendit .
Situata nuk është e komplikuar siç e kanë bërë subjektet politike, ne e kemi një vendim të Gjykatës Kushtetuese e cila mënyrë eksplicite i jep të drejtë partisë fituese që të nominojnë. Unë besoj që legjitimiteti është në anën e LVV-së që të zgjedh. Unë besoj shumë që disa subjekte politike e kanë frikën që Kurti nëse nuk e bënë Qeverinë do të shkojmë obligativisht brenda një kohe në zgjedhje të jashtëzakonshme, zgjedhjet e jashtëzakonshme nuk prodhojnë rezultat të mirë sidomos për partitë e vogla, nuk e kanë problemin e Albulena Haxhiut, sepse ajo do të votohet do të shkojë kjo punë dhe nuk do të jetë shumë gjatë kjo punë”, ka deklaruar Drenori në emisionin “Ditari” në tëvë1.
