Punëtorët e Kompanisë Rajonale të Mbeturinave “Pastrimi”, kanë dalë të enjten, më 22 maj, para Komunës së Prishtinës.
Kryetari i sindikatës së re të ndërmarrjes publike “Pastrimi”, Ardian Krasniqi tha për KosovaPress se “kjo është grevë” dhe sipas tij do të zgjasë deri në realizimin e kërkesave.
Kompania Rajonale e Mbeturinave “Pastrimi” më 14 maj ka ndërprerë grumbullimin e mbeturinave në Prishtinë. Si pasojë e kësaj në kryeqytet kontejnerët janë të stërmbushur derisa qese e gjëra të tjera kanë dalë edhe jashtë tyre.
Kjo kompani ka njoftuar se për shkak të mospagesës së borxhit nga Komuna e Prishtinës në vlerë prej dy milionë e shtatëqind mijë euro, kjo kompani “është e detyruar të ndërpresë ofrimin e shërbimit të grumbullimit të mbeturinave” në territorin e Komunës së Prishtinës.
