Presidenti i SHBA-së, Donald Trump, ka prezantuar një plan ambicioz prej 175 miliardë dollarësh për ndërtimin e një “Kupole të Artë” — një sistem mbrojtës kundër raketave me rreze të gjatë veprimi, i frymëzuar pjesërisht nga mbrojtja raketore shumështresore e Izraelit.
Plani parashikon vendosjen e armëve amerikane në hapësirë dhe sipas Trump, sistemi do të jetë plotësisht funksional deri në vitin 2029, megjithëse zyrtarët paralajmërojnë se mund të kërkojë më shumë kohë, raporton AP.
Izraeli ka zhvilluar me ndihmën e SHBA-së një sistem kompleks mbrojtës që përfshin:
Kupola e Hekurt (Iron Dome): Specializohet në rrëzimin e raketave me rreze të shkurtër. Me një normë suksesi mbi 90%, ka kapur mijëra raketa të lëshuara nga Hamasi dhe Hezbollahu.
Hobeja e Davidit (David’s Sling): Projektuar për të kapur raketa me rreze të mesme veprimi, si ato të Hezbollahut, ku edhe u përdor.
Arrow: Vepron jashtë atmosferës për të interceptuar raketa me rreze të gjatë veprimi. Është përdorur kundër raketave të lëshuara nga Irani dhe Huthët e Jemenit.
Izraeli po zhvillon gjithashtu Iron Beam, një sistem të ri me teknologji lazeri që pritet të jetë shumë më ekonomik. Ndërsa një përgjim i Iron Dome kushton rreth 50,000 dollarë, Iron Beam pritet të kushtojë vetëm disa dollarë për përgjim. Megjithatë, ky sistem ende nuk është funksional.
Mbrojtja raketore e Izraelit ka luajtur një rol vendimtar pwr interceptimin e raketave tw Hamasit dhe grupeve tw tjera qw nga fillimi i luftës nw Gaza, dhe përvoja e saj po ndikon drejtpërdrejt në planet mbrojtëse të SHBA-së.
