Një fëmiu 5-vjeç i është shpëtuar jeta pas ndërhyrjes së mjekëve në Klinikën e Otorinolaringologjisë të Qendrës Klinike dhe Universitare të Kosovës.
Fëmija siç njofton ShSKUK kishte aspiruar një farë të paqëruar luledielli që kishte bllokuar rrugët kryesore të frymëmarrjes.
“Falë reagimit të shpejtë të ekipit kujdestar të ORL-së, i udhëhequr nga dr. Flamur Ukaj, otorinolaringolog, dhe bashkëpunimit të menjëhershëm me ekipin kujdestar të Anesteziologjisë , nga dr. Valmir Idrizi, u realizua me sukses ndërhyrja urgjente (trakobronkoskopi rigjid), me ç’rast u largua trupi i huaj dhe u shpëtua jeta e fëmiut”, thuhet nga ShSKUK.
Fëmija sipas komunikatës është në gjendje stabile dhe është lëshuar në shtëpi pa komplikime.
QKUK, apelon tek të gjithë prindërit që të kenë kujdes të shtuar ndaj fëmijëve të vegjël, duke shmangur kontaktin me trupa të huaj si fara, kikirikë, pjesë të vogla lodrash etj., pasi mund të paraqesin rrezik serioz për jetën e tyre.
