Presidentja e Kosovës, Vjosa Osmani është kërcënuar me jetë.
Kështu ka bërë të ditur Bekim Kupina për Tëvë1 ku ka thënë se është kërcënuar në emailin e Presidencës.
“Kërcënimi është dërguar në email-in zyrtar të Presidencës”, ka thënë Kupina
Tutje këshilltari për media, Bekim Kupina ka thënë se këto kërcenime ndaj presidentes janë bërë të vazhdushme dhe nuk po merren masa ndaj tyre.
“Kërcënimi i kësaj jave është vazhdimësi e kërcënimeve të vazhdueshme me jetë ndaj Presidentes Osmani. Çfarë i bashkon të gjitha? Mosveprimi i institucioneve të drejtësisë. Përkundër dhjetëra kërcënimeve — shumica prej tyre kërcënime me jetë — asnjë veprim nuk është ndërmarrë ndaj kërcënuesve për vite me radhë. Kjo, edhe pse në shumicën e rasteve, kërcënimet bëhen me emër, mbiemër dhe nga profile të identifikueshme. Disa kërcënime janë bërë madje edhe në emisione televizive, por edhe atëherë kanë munguar veprimet për t’i përballur kërcënuesit me përgjegjësi. Rasti i kërcënimeve të njëpasnjëshme me jetë ndaj Presidentes dhe familjes së saj është i vetmi në historikun e institucioneve, siç na është thënë nga institucionet e sigurisë, ku asnjë nga kërcënuesit nuk është përballur me drejtësinë. Kur kërcënimet e rënda nuk trajtohen me seriozitetin që meritojnë, ato jo vetëm që nuk ndalen — përkundrazi, inkurajohen. Kjo klimë e rrezikshme nxit të tjerë të ndjekin të njëjtin model: nxitje dhune, thirrje për eliminim fizik dhe përçmim të plotë ndaj rendit kushtetues’, ka thënë Kupina për Tëvë1.
Në fotografinë e mëposhtme mund të shihni mesazhin e dërguar në drejtim të adreses elektronike të presidencës.
