Zëvendëspresidenti JD Vance thotë se SHBA-të janë të hapura për t’u tërhequr nga përpjekjet për të negociuar një armëpushim për t’i dhënë fund luftës së Rusisë kundër Ukrainës.
«Do të thoja se jemi më shumë se të hapur për t’u larguar», u tha Vance gazetarëve përpara se të largohej nga Roma, pas takimit me Papa Leon XIV.
Vance tha se Trump ka qenë i qartë se SHBA-të “nuk do të rrotullohen këtu. Ne duam të shohim rezultate”.
Ndërkohe, edhe Trump është shprehur “i frustruar” si nga Rusia ashtu edhe nga Ukraina përpara telefonatave të ndara të hënën me presidentin rus Vladimir Putin dhe atë të Ukrainës, Volodymyr Zelenskyy, raporton AP.
Ai ua ka bërë të qartë të dyja palëve se dëshiron të shohë një zgjidhje paqësore dhe armëpushim sa më shpejt të jetë e mundur.”
