Ka përfunduar takimi mes presidentes së Kosovës, Vjosa Osmani me liderët e partive politike pas dështimit të 16-të herë të konstituimit të Kuvendit të Kosovës.
Në këtë takim kanë marrë pjesë, kryetari i LVV-së, Albin Kurti, kreu i PDK-së, Memli Krasniqi, ai i LDK-së, Lumir Abdixhiku dhe i AAK-së, Ramush Haradinaj.
Pasi takoi krerët e partive shumicë, Osmani nga ora 15:00 ka në plan takimin me partitë e komuniteteve joshumicë.
Tre krerët e partive opozitare, Memli Krasniqi, Lumir Abdixhiku dhe Ramush Haradinaj, dolën para mediave pas përfundimit të takimit dhe bënë me dije se nuk ka pasë ndonjë rezultat drejt zhbllokimit të Kuvendit.
Osmani ftoi këtë takim për të diskutuar hapat e mundshëm që do të çonin në daljen nga situata në Kuvendin e Kosovës, i cili s’po arrin të konstituohet as pas tre muajve pas zgjedhjeve./teve1.info/
