Përmes një postimi në Facebook, LDK-ja ka theksuar se kanë kaluar më shumë se 6 muaj të qeverisjes së ministrit Latifaj dhe sipas tyre nuk po shihet ndonjë punë e kryer nga ky ministër edhe pse vendi po përballet me shumë probleme në sistemin shëndetësor, shkruan teve1.info.
“Janë bërë gjashtë muaj prej se kur Rifat Latifi është emëruar në krye të Ministrisë së Shëndetësisë. Rezultatet e vetme konkrete deri më tani janë vetëm ardhje – vajtjet e ministrit jashtë vendit. Ministri i Shëndetësisë, shumicën e kohës së tij po e kalon jashtë Kosovës, edhe pse vendi ynë është duke u përballur me probleme të mëdha në sistemin shëndetësorë”, thuhet në njoftimin e tyre.
Sipas LDK-së në këtë gjashtë mujor të qeverisë Kurti, mbi 1 mijë mjekë dhe infermier kanë mbetur pa paga gjatë 3 mujorit të fundit si dhe mbi 200 qytetarë kanë kërkuar shërim jashtë vendit vetëm për dy muaj.
“Vetëm në gjashtë mujorin e parë të qeverisjes së tij, mbi 1000 punëtor shëndetësorë kanë mbetur tash e tre muaj pa paga; 45 mjek kanë ikur nga Kosova vetëm për një muaj; tash e një vit Ministria e Shëndetësisë nuk ka hapur asnjë konkurs për specializime nga fusha e mjekësisë, ndërsa vetëm për dy muaj mbi 200 qytetarë të vendit tonë, kanë kërkuar shërim jashtë vendit”, thuhet në njoftimin e LDK-së./Teve1.info
