Megjithatë, Milot Rashica nuk do të jetë pjesë e skuadrës së Beshiktashit për sezonin e ardhshëm.
Mediumet turke, kanë raportuar të martën se Rashica do të largohet nga Beshiktashi gjatë kësaj vere, pasi në klub nuk llogaritin në shërbimet e tij.
Mësohet se është trajneri Ole-Gunnar Solskjaer, ai që nuk e ka përfshirë në planet e tij për sezonin 2025/26, duke i bërë me dije Rashicës së mund të largohet.
Edhe pse Rashica do të largohet nga Beshiktashi, thuhet se ai do të mbetet pjesë e futbollit turk pasi një ekip nga Superliga tashmë ka nisur negociatat me futbollistin kosovar.
28-vjeçari është pjesë e Beshiktashit prej vitit 2023 dhe ka kontratë deri në verën e vitit 2027, ndërsa këtë sezon ka shënuar 5 gola dhe ka bërë 12 paraqitje në të gjitha garat.
