Në një postim në Twitter, Kurti ka thënë se zgjedhja e Albanese është një ndryshim në politikat australiane.
“Urime laburistëve australianë dhe Anthony Albanese. Ky ndryshim thelbësor në politikat australiane, është jo vetëm i mirë për popullin e Australisë, por dhe politikat progresive klimatike të laburistëve janë pozitive për botën”, ka shkruar Kurti.
Laburisti Anthony Albanese fitoi zgjedhjet e sotme, duke u shpallur si kryeministri i 31-të australian.
Albanese do të jetë kryeministri i parë i divorcuar në Australi, pas dështimit të martesës me zëvendëskryeministren e shtetit australian të Uellsit të Jugut, Carmel Tebbutt, në 2019.
Fitorja e Albaneses është parë me entuziazëm të madh nga socialdemokratët dhe të majtit që veprojnë në politikë në pjesë të ndryshme të botës. /Teve1.info/
