Nëpër duart e qytetareve të Kosovës po qarkullojnë një numër i madh i parave të falsifikuara.
Prej tyre më të shpeshta janë parat metalik të cilat vazhdimit janë në treg.
Por shqetësuese po shihet falsifikimi i parave me vlerë prej 50 e 100 eurove.
“Poena të vogël metalik janë raste të shumta ato janë vazhdimisht në qarkullim ndërsa poenta më të larta janë më pak interesant për mashtruesin. Por ajo çka na shqetëson neve është peona prej 50 eurove dhe 100 që qarkullon mjaftë”, thotë Selatin Kaçaniku, aktivist në mbrojtjen e të drejtave të konsumatorëve.
Parat e falsifikuara sipas Kaçanikut po dëmtojnë edhe buxhetin e shtetit.
“Në këtë mënyre përveç damit që jau bëjnë qytetarit konsumator, tregtarëve i bëjnë dëme edhe buxhetit të shtetit prandaj kërkohet”, shtoi ai.
Nga Policia e Kosovës kanë bërë të ditur për Tëvë 1 se vetëm në tre muajt e këtij viti janë paraqitur mbi 200 raste të parave të falsifikuara.
“Gjatë (3) tremujorit të parë të 2022, policia ka iniciuar 208 raste të ‘falsifikimittë parave’.Inicimi dhe hetimi i rasteve bëhet nga Stacionet Policore përkatëse dhe Drejtoria për Hetimin e Krimeve Ekonomike dhe Korrupsionit. Policia trajton këto raste dhe ndërmarrë veprimet tjera në koordinim me prokuroritë përkatëse”, thonë nga Policia.
Derisa qytetarët thonë se monedha e falsifikuar në vlerë prej 2 eurosh është ajo që iu ka ra në duar.
Në vitin 2021 tërë territorin e vendit janë iniciuar 866 raste ‘falsifikim i parasë’.
Kronika e realizuar nga gazetarja Albiona Hajdari.