9 persona kryen vetëvrasje në pesë muajt e parë të këtij viti.
E 40 të tjerë tentuan ti japin fund jetës.
Policia e Kosovës thotë që këtë vit janë regjistruar më pak vetëvrasje sesa viteve të kaluara.
E njëra ndër qendrat telefonike që ndihmon personat në momentet e vështira që kalojnë, edhe në ato më të rënda, si mendimi për vetëvrasje është “Linja e Jetës”.
Ky është vetëm njëri nga mesazhet që i përgjigjet gjatë ditës.
Ukë Salihu, koordinator në Linjën telefonikë për parandalimin e vetëvrasjes tregon që numri i mesazheve e thirrjeve që merr gjatë ditës arrin në 3 mijë.
E ankesat e atyre që thirrin në këtë numër janë të ndryshme.
Mirëpo ata janë ndihmuar gjithmonë nga vullnetarët të kalojnë momentet e vështira që po kalojnë.
E ai më i rëndi është mendimi për të kryer vetëvrasje.
Salihu, është njëri nga vullnetarët në “Linja e Jetës”. Por krahas tij ka të rinj tjerë, që janë psikologë, inxhinierë e jurist.
Meqë përgatitja profesionale nuk është kriter për ti dalë në ndihmë atyre që kanë nevojë.
Saliu thotë që ka telefonues që thërrasin disa herë për të njëjtin problem.
Bisedat e tilla janë dëshmuar si produktive sidomos në personat që tentojnë ti japin fund jetës.
Vitin e kaluar u regjistruan 44 vetëvrasje e 132 tentime për ti dhënë fund jetës.
Kronika e realizuar nga gazetarja Furtuna Zejnullahu.
