Presidenti i SHBA-së Donald Trump uroi Papa Leo XIV përmes platformës Truth Social.
“Urime kardinalit Robert Francis Prevost, i cili sapo është emëruar Papë”, shkroi Trump.
“Është një nder i madh të kuptosh se ai është Papa i parë amerikan. Çfarë emocioni dhe sa nder i madh për vendin tonë. Mezi pres të takoj Papa Leon XIV. Do të jetë një moment shumë domethënës!”, shtoi presidenti amerikan.
Pas votimeve të shumta gjatë dy ditëve, kardinali Robert Prevost, i cili u rrit në Çikago, u zgjodh Papa i parë amerikan në krye të Selisë së Shenjtë.
Prevost ka zgjedhur emrin Papa Leo XIV dhe është prezantuar para turmës jashtë bazilikës së Shën Pjetrit në Romë.
Prevost është amerikani i parë që zgjidhet ndonjëherë Papë dhe do të merr përsipër një kishë që ndryshoi në mënyrë dramatike gjatë mandatit të Papa Françesku, i cili vdiq në fillim të këtij viti.
