Një i mitur është arrestuar nga Policia e Kosovës, pasi dyshohet se i ka marrë 2 euro një bashkëmoshatari nën kërcënimin e thikës në lagjen “Miradi e Ulët” të Fushë-Kosovës.
Rasti në polici është raportuar nga babai i viktimës, i cili ka njoftuar se ngjarja e njëjtë kishte ndodhur edhe më parë.
I dyshuari, pas arrestimit dhe intervistimit në prani të prokurorit, është dërguar në mbajtje. Rasti po trajtohet nga njësitë përkatëse.
