Fetahu në emisionin “Info Nata” në Tëvë1, tregoi se si ka ardhur deri te eskalimi i situatës, teksa thotë se LDK-ja pati dëshirë që seancën për arsim ta përdor politikisht.
“Këshilltarët e LDK-së kanë thirr një seancë të jashtëzakonshme për gjendjen në arsim e cila ka qenë e planifikuar të mbahet në muajin qershor për të raportuar në aspektin e përgjithshëm për gjendjen në arsim. Megjithatë patën dëshirë që të përdorin si politikisht këtë seancë dhe mendojë që nuk dolën mirë për arsye se nuk ishte e nevojshme të hidhet ujë në seancë ndaj askujt e as ndaj meje, mirëpo të hidhen argumentet dhe kundërargumentet për ata qe ishim mbledhur aty”, tha ai.
Ai thotë se deri te kjo situatë ka ardhur për shkak të inateve politike adresuar ndaj tij, pasi tregon se ai ishte pjesë e ishte pjesë e LDK-së më parë.
“Unë nuk e kam provokuar askënd. Kam qenë duke i dhënë argumentet e mija lidhur me gjendjen në arsim. Mirëpo para dy viteve unë isha pjesë e përbërëse e LDK-së dhe që dy vite po bëhen që kam kaluar në LVV. Është inati politik i adresuar pak edhe ndaj meje por rasti i asamblistit në fjalë nuk është hera e parë që vepron kështu edhe në herat e tjera në seancat e Kuvendit Komunal ka sjellje agresive dhe vulgare”, ka deklaruar Fetahu. /teve1.info/
