Udhëheqësi 38-vjecar i Aleacës për Unitetin e Rumunëve (AUR), George Simion fitoi shumicën e votave në raundin e parë presidencial me 40.96%, sipas të dhënave zyrtarë zgjedhore. Në vendin e dytë doli kryebashkiaku reformist i Bukureshtit, Nicusor Dan, me 20.99%.
Simion i takon ekstremit të djathtë dhe ka kundërshtuar ndihmën ushtarake për Ukrainën dhe ka quajtur veten “aleat natyror” të presidentit amerikan, Donald Trump.
Ata pritet të shkojnë në balotazh vendimtar pas dy javësh, më 18 maj, ku rezultati mund të qojë në një riformësim të drejtimit gjeopolitik të vendit anëtar të Bashkimit Evropian dhe NATO-së.
Dan, një matematikan 55-vjeçar dhe ish-aktivist kundër korrupsionit, i cili themeloi partinë Bashkimi Shpëtoni Rumaninë (USR) në vitin 2016, kandidoi me një biletë pro-BE-së, i tha medias të hënën në mëngjes se “një raund i dytë i vështirë na pret, kundër një kandidati izolacionist”.
Në vendin e tretë ishte kandidati i përbashkët i koalicionit qeverisës, Crin Antonescu, me 20.07%, dhe pas tij Victor Ponta, një ish-kryeministër nga viti 2012-2015, me 13% të votave, ndërsa Elena Lasconi, e cila doli e dyta në votimin e raundit të parë të vitit të kaluar, mori vetëm rreth 2.6%.
Pjesëmarrja përfundimtare në votime ishte 9.57 milionë njerëz — ose 53.2% e votuesve të kualifikuar, sipas të dhënave nga autoritetet zgjedhore.
Zgjedhjet e vitit të kaluar u anuluan pasi kandidati i ekstremit të djathtë, Calin Georgescu, fitoi raundin e parë, pas akuzave për shkelje zgjedhore dhe ndërhyrje ruse , të cilat Moska i ka mohuar.
Roli presidencial mbart një mandat pesëvjeçar dhe fuqi të rëndësishme vendimmarrëse në sigurinë kombëtare dhe politikën e jashtme.
